Көптеген мұсылмандар қасиетті мекен Мекке мен Мәдинада болып, Исламның бес парызының бірі қажылықты өтеген болар. Меккеге барып, әл-Харам мешітіндегі қасиетті Қағбаға бір қарағанның өзі Алланың мейіріміне бөлейтін айрықша құлшылық. Ал, осы Қағба жамылғысында (Кисуа) не жазылғанын білеміз бе?
Назарларыңызға Шам және Йемен бұрыштарының арасында жазылған аяттар тізімін ұсынамыз.
Үстіңгі қатар Алланың атымен басталады:
بِسْمِ اللَّهِ الرَّحْمَٰنِ الرَّحِيمِ.
«Рахман әрі аса Рақымды Алланың атымен».
Жалғасында «Хаж» сүресінің 4 аяты жазылған:
وَإِذْ بَوَّأْنَا لِإِبْرَاهِيمَ مَكَانَ الْبَيْتِ أَن لَّا تُشْرِكْ بِي شَيْئًا وَطَهِّرْ بَيْتِيَ لِلطَّائِفِينَ وَالْقَائِمِينَ وَالرُّكَّعِ السُّجُودِ.
«Сол уақытта Ибраһимді (ғ.с.) Кағбаның орнына: «Маған ешбір нәрсені ортақ қоспа! Тауап етушілерге, тік тұрып, еңкейіп және бас қойып, құлшылық қылушыларға таза ұста» деп, орналастырған едік.» («Хаж» сүресі, 26-аят. Халифа Алтай аудармасы).
وَأَذِّن فِي النَّاسِ بِالْحَجِّ يَأْتُوكَ رِجَالًا وَعَلَى كُلِّ ضَامِرٍ يَأْتِينَ مِن كُلِّ فَجٍّ عَمِيقٍ.
«Адамдарды хажға шақыр. Олар жаяу және көлік үстінде әрбір алыс жолдардан саған келеді.» («Хаж» сүресі, 27-аят. Халифа Алтай аудармасы).
لِّيَشْهَدُوا مَنَافِعَ لَهُمْ وَيَذْكُرُوا اسْمَ اللَّهِ فِي أَيَّامٍ مَّعْلُومَاتٍ عَلَىٰ مَا رَزَقَهُم مِّن بَهِيمَةِ الْأَنْعَامِ فَكُلُوا مِنْهَا وَأَطْعِمُوا الْبَائِسَ الْفَقِيرَ.
«Олар өздеріне тән пайдаларын көрсін. Сондай-ақ өздеріне берілген малдардан белгілі күндерде Алланың атын алсын. Одан өздерің де жеңдер және жоқ-жітікке де жегізіңдер». («Хаж» сүресі, 28-аят. Халифа Алтай аудармасы).
ثُمَّ لْيَقْضُوا تَفَثَهُمْ وَلْيُوفُوا نُذُورَهُمْ وَلْيَطَّوَّفُوا بِالْبَيْتِ الْعَتِيقِ.
«Сонан соң олар кірлерін кетірсін. (Шаш, тырнағын алып, ыхрамнан шықсын.) Және айтқан нәзірлерін орындап, Кағбаны тауап кылсын.» («Хаж» сүресі, 29-аят. Халифа Алтай аудармасы).
Үстіңгі қатардың астында тағы екі жазу бар. Оң жағындағысы Алланың атымен басталады:
بِسْمِ اللَّهِ الرَّحْمَٰنِ الرَّحِيمِ.
«Рахман әрі аса Рақымды Алланың атымен».
Сонан соң «Ахзаб» сүресінен аят келтірілген:
وَبَشِّرِ الْمُؤْمِنِينَ بِأَنَّ لَهُم مِّنَ اللَّهِ فَضْلًا كَبِيرًا.
«(Мұхаммед ғ.с.) Мүміндерді, рас оларға Алладан, ірі игілік барлығын сүйіншіле.» («Ахзаб» сүресі, 47-аят. Халифа Алтай аудармасы).
Сол жағындағы жазу мына сөздермен басталады:
قال الله تعالى
«Алла Тағала айтты»
Әрі қарай «Ниса» сүресінің аятымен жалғасады:
وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا.
«Біреу бір жамандық істесе немесе өзіне зұлымдық қылса да, сонан соң Алладан жарылқану тілесе, Алланы аса жарылқаушы, ерекше мейірімді табар еді.» («Ниса» сүресі, 110-аят. Халифа Алтай аудармасы).