Бір кісі қатты күйінген күні Имам Садыққа (а.с) келіп:

* Кедейшіліктің зарын тартқан мендей-ақ болар. Көбірек рызық берсін деп Алла Тағала дұға етіңізші? – депті жалынып.

Сонда Имам тұрып: - Жоқ! – депті, - саған ешқашанда бұндай дұға ете алмаймын!

Әлгі кісі күтпеген бұндай жауапты естігенде:

- Неге? – деп сұрапты.

Сонда Имам Садық:

* Бұл мәселеде Алла Тағалының өзі жол көрсетпеді ме? «Рызық несібелеріңді жатпай-тұрмай іздеңдер, табыңдар!» деп бұйырмады ма? Ал сен болсаң үйде жатып алып дұға жасай салып рызық-несібем маған өзі келсін дейсің. Осы да жөн бе? – деп ұялтқан екен.

Дерек көзі: Тағылым тамшылары