Бүгін Ә.Тәжібаев атындағы облыстық әмбебап кітапханада бірқатар белсенді  жастармен еркін форматтағы кездесу өтті.

ҚМДБ-ның Қызылорда облысы бойынша өкілдігі, «Жастар ісі» секторы мен «Нұр Отан» партиясы жанындағы «Жас Отан» ЖҚ-ның Қызылорда облысы бойынша филиалының бірлесуімен ұйымдастырылған шарада ҚМДБ-ның Сыр өңіріндегі өкілі Болатбек Ұласқанұлы, теологтар Б.Убаев, Б.Оспанов, «Жас Отан» ЖҚ-ның Қызылорда облысы бойынша филиалының  төрағасы Т.Тілес қонақ болып, жастармен сұхбаттасты.

«Тәрбие. Білім. Жастар» тақырыбында өткізілген кездесуде қонақтар еліміздің ертеңгі болашағы - жастар екенін жеткізе отырып, рухани кемелденген, ғылым мен жаңа технологияны еркін игерген, бәсекеге қабілетті  тұлғаға айналу үшін ерінбей еңбек етіп, уақыт пен денсаулықтың қадірін біліп, рухани тәрбиені бойға сіңіру керектігін түсіндірді.

Кездесуден кейін өкіл имам Болатбек Ұласқанұлы әмбебап кітапханада, жастарды кітап оқуға баулу мақсатында ашылған «Book Cafе»,  «Coworking», «IT Park» секілді жаңа орталық жұмыстарымен танысып, аталмыш орталықтардың жастармен тығыз байланыс орнатуда тиімді жақтары көп екенін жеткізді. Сонымен қатар, алдағы уақытта ҚМДБ-ның Қызылорда облысы бойынша өкілдігі, «Жастар ісі» секторы мен «Нұр Отан» партиясы жанындағы «Жас Отан» ЖҚ-ның Қызылорда облысы бойынша филиалының бірлесуімен шаралар өткізілу жоспарланды.