Елордамыз Астанада педагогикалық мамандықтар бойынша Республикалық семинар өтті

2018 жылдың 9- ақпанда Астана қаласында  «Холдинг «Кәсіпқор» мен «Білім беру» профилі бойынша оқу- әдістемелік бірлестігі бірлесе отырып «Қазақстан Республикасы колледждерінде педогогикалық кадрларды дайындау - талаптар мен мүмкіндіктер» тақырыбында ауқымды  республикалық семинар  өткізді. Семинардың негізігі мақсаты –педогогикалық және техникалық колледждерде білікті мамандарды даярлау бойынша талдау жасап, өзара тәжірбие алмасу, біліктілікті арттыру. Еліміздің түкпір- түкпірінен жалпы саны 180 адам қатысып,  семинар екі күнге созылды.

Жиынға Білім және ғылым вице – министрі А.К Аймағанбетов, «Назарбаев зияткерлік мектебінің» өкілдері, педогогикалық және техникалық білім беретін колледж басшыларымен осы семинардың өтуіне ұйытқы болып отырған «Холдинг Кәсікқор» өкілі Аршабековтер қатысты. Семинарға Қазақстан Мұсылмандары Діни басқармасы да өз үлесін қосты. Атап айтсақ, ҚМДБ әдіскері Гүлбану Хайдарқызы, Алматы облысындағы Үшқоңыр медресе колледжінің директоры Абзал Амиров, Павлодар қаласындағы Әбу Бәкір Сыдық медресе колледжінің директоры Серікбол Аршабаев және Шымкент қаласындағы Шымкент медресе колледжінің әдістемелік бөлім меңгерушісі Ерлан Құдайбергеновтер қатысты. Алғаш болып сөз алған вице – министр Асхат Аймағанбетов мырза қатысушылардың назарын білім беру мазмұнын жаңартуға және инклюзивті білім берудің педагогикалық мамандықтары бойынша білім беру бағдарламаларын жетілдіруге сәйкес, мұғалімдерді оқытудың өзекті міндеттеріне тоқталды. «Холдинг Кәсіпқор» төрағасы Н.Р. Аршабеков жалпы Қазақстан колледждеріне ТжКБ-де қолданбалы бакалавр дәрежесін енгізу туралы сөз етті. Осы және басқа да сұрақтар бойынша Қазақстан Республикасының ҒжБ министрлігінің техникалық және кәсіби білім беру  департаментінің директоры Н.Ж. Оспанов, оқу әдістемелік бірлестік  төрағасы Ш.Х. Құрманалы және колледж басшылары баяндамалар жасады. Ал сапа жағына келетін болсақ, аккредитация және рейтингілік агенттіктің директорының кеңесшісі - Яновская О.А. сөз алып, бірнеше тапсырмаларды берді.

Қазақстан мұсылмандары діни басқармасының оқу әдістемелік бірлестігі «Ислам негіздері мұғалімін дайындаудың ерекшеліктері» атты баяндама мен презентациясын ұсынды. Бұл баяндаманы Шымкент қаласының медресесі колледж әдістемелік бөлімінің меңгерушісі Құдайбергенов Ерлан Жұмағалиұлы таныстырды. Семинардың қорытындысы бойынша қатысушылар техникалық және кәсіптік білім беру жүйесінде мұғалімдерді оқыту тиімділігін арттыру және жетілдіру бойынша біліктіліктерін артырып қайтты.

© 2009-2024, Қарағанды облыстық мешіті Сайт материалдарын қолдану үшін