Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Республикалық мүшәйра жүлдегерлері марапатталды (ФОТО)
12 маусым, 2018 жыл 53 Басып шығару нұсқасы

ҚМДБ Өскемен аймағы өкілдігі 2018-«Ислам және отбасы жылы» аясында жас ақындар арасында «ИСЛАМ. ИМАН. ОТБАСЫ» атты Республикалық жыр бәйгесін жариялаған еді.

Қасиетті Қадір түнінде жүлдегерлерді марапаттау өтті. ҚМДБ Өскемен аймағының өкіл имамы Ермек Қасболатұлы марапаттау шарасында: «Рухани жаңғыру аясында 2018 жыл «Ислам және отбасы жылында» ұлтымыздың дәстүрлі ұлттық құндылықтарын насихаттау, дәстүрлі тәрбиенің асыл жауһарларын таныту, халқымыздың салт-дәстүрін жастардың санасына сіңіру бұл жыр мүшәйрасының басты бағыты болды. Қазіргі таңда діни өлеңдер көп жазыла бермейді. Біз осы бағытты жетілдіріп, қолдап отырмыз»,- деп ақындарға сыйлық ұсынды.

Мүшәйраға келіп түскен 80-нен шығарманы саралаған Қазақстан жазушылар Одағының Шығыс Қазақстан облыстық филиалының директоры, жазушы Әлібек Қаңтарбаев бастаған қазылар алқасының шешімімен:

200 000 теңгелік бас жүлдені өскемендік Қызырбек Дүргінбайұлы;

1-орын  қарағандылық ақын Таңсәуле Әгенқызы 150 000 теңге;

2-орын Мирас Әбіл (Алматы) 100 000 теңге;

3-орын Семейлік жас ақын Бауыржан Игілік 80 000 теңге жүлдеге ие болды.  Сонымен қатар, А.Нұрбаев атындағы жүлдені Павлодар облысынан Тілеуберді Сахаба жеңіп алса, ынталандыру жүлделеріне Өскемен қаласының ақындары Жеңіс Оразай мен Дана Исағұлқызы және Қуат Ежендер ие болды.

Ақындарға өкіл имам және қалалық мешіт имамдары жүлделерін тапсырды.

Пікірлер

Поле не должно быть пустым!
Комментарий отправлен на модерацию.
    Жоғары