Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
MUFTYAT.KZ САЙТЫ ОҚЫРМАНДАРЫН АЙТ МЕРЕКЕСІМЕН ҚҰТТЫҚТАЙДЫ!
14 маусым, 2018 жыл 42 Басып шығару нұсқасы
 

Қымбатты оқырмандар, қуанышқа толы Айт мерекесінде Алла Тағала баршаңызды жақсылыққа қауыштырсын!

Қасиетті Рамазан айындағы жасаған құлшылық, сауаптарымыздың тәттілігін жүрегімізді жұмсарту арқылы сездіруін сұраймыз!

Ораза Айты – қуаныштың, шүкіршілік, құлшылық, бауырмашылдық пен ынтымақтың мерекесі. Исі мұсылман адам үшін күні мен түнін құлшылықпен өткеріп, Раббысына бір табан жақындатып, қуанышқа бөлеген қасиетті айдың аяқталуы болмақ.

Ардақты пайғамбарымыз ﷺ:

«Әр үмметтің өз мерекесі бар, біздің мейрам – Айт»,- деген еді.

Рамазан айының соңғы күні ұясына батқан сәттен Айт мерекесі басталады. Осы кезде мерекелік тәкбір айтамыз:

 «Аллаһу әкбар, Аллаһу әкбар, Аллаһу әкбар! Лә иләһә илләллаһ уаЛлаһу әкбар уә лилләһил-хамд»

Әз елші ﷺ:

«Айт намазы оқылып болған соң періште былай дейді: «Раббыларың сендерді кешірді, біліп қойыңдар. Енді үйлеріңе қуанышпен тарқасыңдар. Бүгін сыйлық беру күні». Осылайша аспан әлемінде осы дауыс жаңғырып жатады»,- деген.
Ораза Айты – кешірімге ие болатын күн, ренжіскен жандардың татуласып, үлкендерді зиярат ететін, өзгелерді қуантатын, жетім мен жарым жан жандардың жүзін нұрландыратын, айттайтын күн.
Алла Тағала намаз, оразамызды және Өзінің разылығы үшін жасаған амалдарымызды қабыл етсін!

Ыстық ықыласпен, muftyat.kz сайтының ұжымы

Пікірлер

Поле не должно быть пустым!
Комментарий отправлен на модерацию.
    Жоғары