Қазақстан мұсылмандары діни басқармасының төрағасы Серікбай қажы Ораз «Әзірет Сұлтан» мешітіне жиналған жамағатты Ораза айт мерекесімен құттықтап, айт намазын жүргізді.
«Қадірменді жамағат! Баршаңызды мұсылман қауымының ұлық мейрамы – Ораза айтпен шын жүректен құттықтаймын. Отбасыларыңызға амандық, жұмыстарыңызға береке тілеймін. Рамазан айында жасаған дұға-тілектеріңіз қабыл болғай! Бүгін отбасымызды, ағайын-жұртты, бауырлар мен көршілерді айтпен құттықтап, қуаныш сезімге бөленетін сәт. Ораза айт құтты-берекелі болсын!» – деді Серікбай қажы Ораз.
Айт намазын жүргізген Бас мүфти:
«Алла Тағала дертке ұшыраған пенделерге шипа, жолда жүрген жолаушыларға оң сапар, мұқтаж мүміндердің мұңын сейілтіп, жар болғай! Еліміз аман, жұртымыз тыныш, тәуелсіздігіміз баянды, халқымыздың бірлігі мен берекесі арта бергей!» – деп дұға жасады.
Пікірлер