ҚМДБ-ның БҚО бойынша өкілдігінің ұйымдастыруымен «Орал» орталық мешітінде қала және аудан имамдары, жарты жылдық және өткен қасиетті Рамазан айындағы атқарылған іс-шаралар туралы есеп беру жиналысы өтті.

Жиын барысында, қала және аудан имамдары өздерінің біліктіліктерін арттыру мақсатында, берілген тапсырмаларды электронды нұсқа түрінде тапсырды.

Өңіріміздің Бас имамы Еркебұлан қажы Қарақұлов имамдарға алғысын білдіріп, алдағы уақытта кейбір кеткен кемшіліктердің орнын толтырып, атқарған істеріне жеке баға берілетіндігін айтты.

Сонымен қатар Қазақстан мұсылмандары діни басқармасының төрағасы, Бас мүфти Серікбай қажы Сатыбалұлы хазретіміздің тікелей тапсырмасы бойынша қалалық, аудандық, ауылдық жерлерде уағыз-насихат жұмыстарын жандандырып, жат ағымдардың алдын алуды, тұрмысы төмен отбасылардың мектеп жасындағы балаларына жаңа оқу жылына қарсы демеушілер арқылы қайырымдылық іс-шаралар өткізуді тапсырып, жұмыстарына сәттілік тіледі.

Төрт бағыт бойынша жұмыстар жоспарланып,тиянақталды.Әсіресе жазғы сауат ашу курсы жандандыру назарға алынды.

Жиын соңында Қаратөбе аудандық мешітінің бас имамы Әділжан Бекқазиев дұға жасады.

Ендеше, имамдарға берекелі еңбек болып, әр ісі сауаптан жазылғай!