Қасиетті жұма күні Шымкент қаласы орталық мешітінің мәжіліс залында “Әдемі әуезді азаншы - ІІІ” атты республикалық азаншылар жарысының іріктеуі сайысы болып өтті.

Салтанатты шара барысында Шымкент қаласының өкіл имамы Бақтыбай Қыдырбайұлы, наиб имам Мұхамеджан Естеміров қатысып, барша қатысушыларға сәттілік теліп, ақ батасын берді.

Дүбірлі жарысқа 30-дан астам азаншылдар қатысып, нәтижесінде мына азаншларымыз топжарды. Олар Шымкент қаласы, Еңбекші ауданы «Исамиддин баба» мешітінің азаншысы Талғат Бейсеков 1-ші орын, Әл-Фараби ауданынан «Саяси қуғын сүргін құрбандары» мешітінен келген азаншысы Жолбарыс Усенов 2-ші орын, ал 3-ші орынды  Шымкент қаласы Әл-Фараби ауданы «Айқап» мешітінің  Ишанғали Ақназар азаншысы ұтып алды. Жеңімпаздарға өкілдік тарапынан қаржылай және арнайы дипломмен табыс етілді. Ал қалған қатысушыларға ынталандыру мақсатында алғыс хат табыс етілді.