Елордада Құрбан айт мерекесі жоғары деңгейде өтті, деп хабарлайды ummet.kz тілшісі.

Құрбан айт мерекесі –  Алла разылығына себеп болатын салихалы амалдар мен сауапты жұмыстар жасайтын мейрам.

Астана қаласы Құрбан айттың тағы бір ерекше тұсы –  айт күндеріндегі қайрымдылық шаралары. Аталған мереке күндері Алла Елшісінің (с.ғ.с.) өсиетінен өнеге алған қайырымды жандар құрбандық еттерінен мұқтаж жандарға үлестіру арқылы оларға мерекелік көңіл-күй сыйлайды.   

Соған орай биыл Астана қаласы бойынша Құрбан айт мерекесі жоғары деңгейде өтті.

ҚМДБ-ның Астана қалалық өкілдігі жəне Республикалық Əзірет Сұлтан мешітінің  ұйымдастыруымен бірқатар қайырымдылық іс-шаралары ұйымдастырылды. Сонымен қатар айт күндері Елорда әкімдігі тарапынан құрбан шалуға рұқсат етілген 7 орында құрбандық рәсімдері орындалды. Әрбір мешітте «Жетеудің бірі бол да, Раббың үшін құрбан шал» атты қайырымдылық іс-шаралары ұйымдастырылды. Акция аясында жиналған құрбандық еттері қарттар, жетімдер үйі, түзету мекемелері, зағип балалар үйі жəне  көпбалалы, әлеуметтік жағынан аз қамтылған отбасыларға, т.б. мұқтаж жандарға үлестірілді.

Айт күндері Астана мешіттерінің ұйымдастыруымен 74 ірі қара мал, 135 қой құрбандыққа шалынды. Жалпы саны 23 тонна 848 кг ет, 2981 отбасы мен қоғамдық жəне қоғамдық емес 12 ұйымға өтініш бойынша үлестіріліп берілді.