Бүгін Ақтөбе өкілдігі қала және аудан бас имамдарының қатысуымен ЖАНТ жиналысын өткізді.

Жиналыс барысында өкіл имам Төлеби Оспан ЖАНТ жұмысын жетілдіру жолдарына тоқтала келе, әсіресе, аудан, ауылдық елдімекендерде көптеп кездесулер ұйымдастыру керектігін айтты. Жуырда бұл бағытта Байғанин, Ырғыз, Хромтау, Мәртөк, секілді бірқатар аудандарда түсіндіру жұмыстары жүргізілген болатын. Сондай-ақ, ЖАНТ-тың жыл басында бекітілген жұмыс жоспарына сәйкес атқарылып жатырған іс-шаралар реті пысықталды.

Күн тәртібінде қаралған кезекті мәселе – имамдардың діни басқарма бекіткен төрт бағыт аясында есеп беруі. Соның ішінде, уағыз-насихат, жат ағыммен жұмыс бағытындағы жалпы және жеке кездесулердің, қайырымдылық, сауат ашу, сондай-ақ, ЖАНТ жұмысының апталық, айлық есептерінің уақытылы тапсырылуы талап етілді. Сондай-ақ, басылымдарға жазылу науқанына атсалысу, «Ислам және өркениет» газеті, «Иман» журналы секілді діни басылымдарды халық арасында кеңірек насихаттау керектігі айтылды.