Қазақстан мұсылмандары діни басқармасына қарасты корпаративтік "Зекет" қорының Атырау облысы бойынша өкілдігі және ҚМДБ-ның Атырау облысы бойынша өкілдігінің бірлескен жобасы аясында 20-қыркүйек күні әлеуметтік жағдайы төмен 100 отбасыға азық-түлік пакетін таратты.

ҚМДБ-ның өңірдегі өкілі, "Иманғали" орталық мешітінің бас имамы Мансұров Батыржан Берденұлы: "Кімде - кім мұсылман бауырының мұқтаждығын өтесе, Алла Тағала да оның мұқтаждығын өтейді" деген тамаша хадис бар. Әр мұсылман қашан да игі амалға ұмтылып жүруі тиіс. Қоғам да мұқтаж жандар бар, жүрегі жомарт кісілер де жетерлік. "Зекет" қоры осылай алтын көпір орнатып, игі істің ұйытқысы болуда", - деп атап өтті. 

Айта кетелік, "Зекет" қайырымдылық қорының мақсаты - қасиетті Құран - Кәрім мен Пайғамбарымыз Мұхаммедтің (с.ғ.с) сүннетін басшылыққа ала отырып, зекеттің жинақталуы мен таралуын қамтамасыз ету. Бүгінде "Зекет" қоры қайырымдылықпен бірге əлеуметтік, мəдени, білім беру саласындағы жобаларды жүзеге асырып келеді.