Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Жамбыл: Әйел жамағатына мәйітті жуындыру және кебіндеу рәсімі үйретілді
10 қазан, 2018 жыл 27 Басып шығару нұсқасы

ҚМДБ-ның Жамбыл облысы бойынша өкілдігі «Әйелдер-қыздар» секторының ұйымдастыруымен Тараз қаласындағы «Ар-Рахман, Ар-Рахим» мешітінде мәйітті жуындыру және кебіндеу рәсімімен таныстыру сабақтары өтті. 

«Ар-Рахман, Ар-Рахим» мешітінің ұстазы Айдарова Зора жиналған әйел жамағатына ҚМДБ Ғұламалар кеңесінің бекітуімен жарық көрген «Жаназа және жерлеу рәсімдері» кітабының мазмұнына бойынша қысқаша шолу жасап, мәйітті жуындыру мен кебіндеу рәсімдерінің әрқайсысына жекелей тоқталып өтті және қуыршақ арқылы мәйітті жуындыру тәртібін іс жүзінде көрсетті.

Соның ішінде, адамға ажал сәті тақағаннан иманын үйіріп, оған кәлима сөздерін қайталап отыру сынды әдеп-амалдар, мәйітті жуындыру кезінде сақтық шараларын ескеру, мәйіттің әуретіне қарамау, ерді ер, әйелді әйел адамның, мүмкін болса ет-жақындарының жуындыруы, мәйітті кебіндеу, жерлеу рәсімдерінің реттілігі, жаназа намазы туралы егжей-тегжейлі айтып, түсіндірілді. Сондай-ақ, діни жоралғылардың дәстүрмен сабақтастығы туралы да қамтылды.

Танымдық дәрісті дәптерлеріне тапжылмай жазып отырған қатысушылар тақырып аясында қосымша сауалдар жолдап, өздеріне қажетті мол мағлұмат алды. Сауат ашу курсының оқыту бағдарламасында қамтылған тақырып толықтай ашылды.

Пікірлер

Поле не должно быть пустым!
Комментарий отправлен на модерацию.
    Жоғары