Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Әл-Азһардың Бас имамы «Әзірет Сұлтан» мешітін зиярат етті (ФОТО+ВИДЕО)
10 қазан, 2018 жыл 26 Басып шығару нұсқасы

Кеше Египет еліндегі әйгілі әл-Азһар университетінің бас имамы шейх Ахмад ат-Тайеб Астана қаласындағы республикалық «Әзірет Сұлтан» мешітін зиярат етіп шықты. Мысыр жерінен келген мәртебелі мейманды ҚМДБ төрағасы, Бас мүфти Серікбай қажы Ораз өзі қарсы алып, алып құлшылық ордасымен таныстырып өтті.

Әлемдік және дәстүрлі діндер көшбасшыларының VI съезіне келген әл-Азһар шейхы «Әзірет сұлтан» мешітіндегідегі Құранның күміс парақтарын тамашалап, Елбасымыз тарту еткен көне Құран кітабына көз жүгіртті. Құптан намазына дөп келген құрметті ғалым еліміздің Бас мешітінде имамдыққа шығып, жамағатты жағымды дауысына ұйытты.

Жамағатпен оқылған намаздан соң әл-Азһар шейхы қазақ еліне өз ілтипатын білдіріп, жылы лебізін жеткізді. Мұсылман бірлігі жайында, талас-тартыстың зияны турасында жамағатқа аз-кем насихат айтылды. Кездесу соңында құрметті қонаққа қазақы дәстүрімізге сай иығына шапан жабылып, естелік-сыйлық тарту етілді.

Пікірлер

Поле не должно быть пустым!
Комментарий отправлен на модерацию.
    Жоғары