Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
БАС МҮФТИ БАС МЕШІТТЕ БІРТОП ДЕЛЕГАЦИЯНЫ ҚАБЫЛДАДЫ (ФОТО)
12 қазан, 2018 жыл 8 Басып шығару нұсқасы

Бүгін ҚМДБ төрағасы Серікбай қажы Ораз республикалық «Әзірет Сұлтан» мешітінде Әлемдік және дәстүрлі дін лидерлерінің VI съезі аясында Біріккен Араб Әмірліктерінің Ислам және қайырымдылық істері жөніндегі департаментінің біртоп делегациясын қабылдады.

Аталған департаменттің Қайырымдылық істер бойынша атқарушы директоры Ахмад әл-Мухейри бастаған делегация өкілдері Бас мүфти Серікбай қажы Оразбен Қазақстандағы Исламның дамуы туралы сұхбаттасты.

Ахмад әл-Мухейри департаменттің қайырымдылық бағытындағы жұмыстарымен таныстырып, игі жобалар жайлы баяндап берді. Тараптар садақа берудің жаңа технологиялық тәсілі жайлы пікір алысты.

Өз кезегінде Серікбай қажы Сатыбалдыұлы еліміздегі облыстық мешіттерде садақа терминалдарының орнатылғанын атап өтті.

«Бұл – мүфтияттың қаржылық ашықтығын қамтамасыз етумен қатар, жамағаттың садақа беру мәдениетіне оң әсер етеді деп есептеймін. Бұл бағыттағы жобаларымызды қалалық, аудандық мешіттерде жүзеге асыратын боламыз», – деді Бас мүфти С.Ораз.

Кездесу соңында тараптар қайырымдылық, садақа беру терминалдарын орнату, т.б. сала бойынша тәжірибе алмасуға уағдаласты.

Пікірлер

Поле не должно быть пустым!
Комментарий отправлен на модерацию.
    Жоғары