Бүгін Қазақстан мұсылмандары діни басқармасының Шымкент қаласы бойынша өкілдігінің ұйымдастыруымен марқұм Әшірбай қажы Орашұлының құрметіне имамдар арасында Құран жарысы ұйымдастырылды.

Аталмыш шараны ҚМДБ-ның Шымкент қаласы бойынша өкіл имамы Бақтыбай Бейсенбаев ашып, барша қатысушыларға сәттілік тіледі.

Жарысқа ҚМДБ-ның Шымкент қаласы бойынша өкіл имамы орынбасары М.Естеміров, «Ықылас» қарилар дайындау орталығының директоры Ы.Майлан, «Сарыағаш» медресе-колледжінің ұстазы Б.Жүсіпов, «Ықылас» қарилар дайындау орталығының ұстазы К.Садықов, «Шымкент» медресе-колледжінің ұстазы Ғ.Оққасов, Орталық мешіттің ұстаздары О.Өзташ, М.Сәрсенбаевтар төрелік етті.

Жарыс үш аталым бойынша жүргізілді. Жарыс барасында «Имамдар арасында мәнерлеп оқудан» 1-ші орын иегері «Нарынбай ата» мешітінің имамы М.Миракмал, 2-ші орын «А.Қаттани» мешітінің наиб имамы Т.Ақтөре, «Байғұт баба» мешітінің наиб имамы А.Медетбеков ие болды.

Сонымен қатар, жас қариларымызды жігерлендіру мақсатында қосымша екі айналым ұйымдастырылды. «Қарилар арасында толық Құран бойынша» 1-ші орын иегері З.Жанғазиев, 2-ші орынды Б.Жеткербай, 3-ші орынды Д.Рамазан алса, ал «Шәкірттер арасында 10 пара бойынша» 1-ші орын А.Махан, 2-ші орын А.Каров, 3-ші орынға  А.Жүнісов иегер атанды. Ал қалған қатысушыларға өкілдік тарапанан алғыс хат пен қаржылай сый-сияпат берілді.

Айта кету керек, осы жарысқа орыс ұлтының өкілі Андрей Манькеевич деген азамат 10 пара бойынша қатысып таңдай қақтырды.

Айтулы шараның бас демеушісі Әшірбай қажы Орашұлының ұрпақтарына алғыс айтамыз.