ҚМДБ-ның Қызылорда облысы бойынша өкілдігі, Шиелі аудандық орталық мешітінің ұйымдастыруымен «Сарыағаш» медресе колледжіне қайырымдылық керуені жөнелтілді.

Бүгінде «Сарыағаш» медресе колледжінде еліміздің түкпір-түкіпірінен жиналған 700 шәкірт білім алуда. Алла жолында білім ізденіп жүрген бауырларға қолдау  білдіру мақсатында Шиелі аудандық орталық мешітінің бастамасымен, мешіт жанашырлары мен жамағаты медресені зиярат етіп, шәкірттердің жағдайымен танысты.

Шиелі аудандық орталық мешітінің Бас имамы Б.Ұлжаев шәкірттерге ҚМДБ-ның Қызылорда облысы бойынша өкіл имамы Болатбек Ұласқанұлының ыстық сәлемін жеткізіп, оқуларына сәттілік тілей келе,  көмек ретінде арнайы ала келген 2 тонна күріш пен қосымша көкөністер өкілдік атынан тарту етті.