ҚМДБ-ның «Зекет» қорының облыстағы өкілдігі кезекті қайырымдылық шарасын өткізді. Шара аясында 2 отбасыға және «Ақтөбе медресе колледжіне» азық-түлікпен көмек берілді. Барлық таратылған азық-түлік мөлшері – 150 келіге жуық.

Сондай-ақ Мәртөк аудандық мешіті де аудандық «Жастар» ресурстық орталығымен бірлесіп, қайырымдылық шарасын өткізді.

Шара барысында 6 әлеуметтік жағдайы төмен отбасыға көмек берілді. Әр отбасыға 45 келі салмақты азық-түлік қоржындары үйді-үйді үлестіріліп берілді. Барлығы 270 кг азық-түлік таратылды. Жәрдем алған жанұялар мешіт ұжымы мен жастарға ризашылықтарын жеткізіп, рахмет айтты.