Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
БАС МҮФТИ ЖАМБЫЛ ЖАСТАРЫНА ДƏРІС ОҚЫДЫ (ФОТО)
09 қараша, 2018 жыл 19 Басып шығару нұсқасы
Қазақстан мұсылмандары діни басқармасының төрағасы Серікбай қажы Ораз Жамбыл облысына жасаған іс-сапары барысында М.Х.Дулати атындағы Тараз мемлекеттік университетінде студенттермен кездесті.
 
Кездесуге қаладағы жоғары оқу орындарының студенттері, жастар ұйымдарының жетекшілері мен оқытушылар қатысты.
 
ТарМУ ректоры Махметғали Нұрғалиұлы студенттерге Бас мүфтимен кездесудің маңыздылығын түсіндіре келе сөзді Серікбай қажы Оразға ұсынды.
 
"Бүгінгі жастарымыздың бойында көрініс табуы тиіс құндылықтардың бірі - қоғамға пайдалы болу. Пайғамбарымыз: "Жақсы адам - қоғамға пайдалы болған пенде", - деген. Біздің қоғамға әртүрлі саланың майталман мамандары қажет. Демек, баршамыз өз саламыз бойынша осы қоғамға бір кірпіш болып қалануымыз керек", - деді Серікбай қажы Ораз.
 
Кездесу соңында студенттер көкейде жүрген сауалдарын қойып, Бас мүфтимен сұхбаттасты.
 

Пікірлер

Поле не должно быть пустым!
Комментарий отправлен на модерацию.
    Жоғары