Жыл аяқталуға таяса да, жұмыс қарқыны бәсеңдер емес. Хромтау аудандық «Нұр» мешіті жаңа құрылыс жобаларын жоспарлауда. Оның бірі – имамдарға арналған 2 пәтерлі қызметтік баспана. Сондай-ақ, қайырымдылық дүкені мен сауат ашу курсына арналған сынып бөлмесі салынбақ. Бүгінгі таңда құрылыстардың эскиздік жобалары сызылып, орны белгіленіп қойылды.

Бұл туралы кеше Ақтөбе өкілдігінің көшпелі отырысында айтылды. Онда ауданның бас имамы Алмат Әли 2018 жылы атқарылған жұмыстарды баяндады. Соның ішінде, мешіттегі қайта қалпына келтіру шараларына тоқталды. Жуырда аудан әкімінің қолдауымен аудан мешіті жанындағы асхана құрылысы қайта жанданды. Сондай-ақ,мешіт ауласына жалпы көлемі 500 шаршы метр тас төсеніштер төселуде.