Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
ҚМДБ: «ТӘЛІМГЕР ПАЙҒАМБАР ТАҒЫЛЫМЫ» КІТАБЫНЫҢ ТҰСАУЫ КЕСІЛДІ (ФОТО)
04 желтоқсан, 2018 жыл 21 Басып шығару нұсқасы

Жуырда Қазақстан мұсылмандары діни басқармасының төрағасы, Бас мүфти Серікбай қажы Ораздың бастамасымен «Ислам және отбасы» жылы аясында «Тәлімгер пайғамбар тағылымы» атты жаңа кітап жарық көрді.

Кеше Алматыда өткен ҚМДБ төралқа мәжілісінде Бас мүфти Серікбай қажы Сатыбалдыұлының қатысуымен жаңа кітаптың тұсауы кесілді.

Тәлімі мен тағылымы мол туындыда екі дүниенің сардары, ардақты пайғамбарымыз Мұхаммедтің (оған Алланың салауаты мен сәлемі болсын) мүбәрак тұлғасы, ұстаздық қасиеті, үлгі-өнегесі, тәрбие беруде қолданған әдіс-тәсілдері баяндалған. Барша оқырман қауымға арналған еңбектің ұстаз бен шәкіртке, жалпы жұртымызға берер тағылымы мол.

«Бұл кітап пайғамбарымыздың (оған Алланың салауаты мен сәлемі болсын) өнегелі өмірі мен тәлімдік тұлғасына еліктейтін барша оқырманға, жамағатқа пайдалы болады деген сенімдемін. Аталған еңбек қасиетті Алла Елшісінің туған айы – мәуліт айында жарық көрді. Осы туындыны шығаруға, аударуға үлес қосқан барша азаматтарға алғыс айтамын», – деп атап өтті тұсаукесер рәсімінде Бас мүфти Серікбай қажы Ораз.

Айта кетейік, бұл жобаның жетекшісі – ҚМДБ-ның Алматы қаласы бойынша өкіл имамы Еркінбек Керімбекұлы Шохаев, жалпы редакциясын басқарған белгілі ғалым, ұстаз Бауыржан Әлиұлы.

Кітап авторы – шейх Абдул-Фаттах Әбу Ғудда әл-Ханафи. Қазақ тіліне аударған – Ержан Оразов.

Сонымен қатар, салтанатты шарада мүфтияттан шыққан «Қайырымды жан жәннатқа жақын» кітабының да тұсауы кесілді. 

 

Пікірлер

Поле не должно быть пустым!
Комментарий отправлен на модерацию.
    Жоғары