Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Павлодар: Өкіл имам студенттермен кездесті
05 желтоқсан, 2018 жыл 15 Басып шығару нұсқасы

Жуырда Павлодар облысының өкіл имамы Жолдас Қоспақұлы Нұр - Мубарак университетінде болып, жерлес студенттердің басын қосып кездесті. Кездесуге «Нұр Мүбаракта» оқып жатқан Павлодарлық жастар түгелдей жиналды. Өкіл имам олардың әрқайсысының жағдайы, оқу барысы, үлгерімімен жекелей танысып, өтініш-тілектерін тыңдап, оларға  ҚМДБ-ның Павлодар облысы өкілдігі тарапынан жасалып жатқан әлеуметтік қолдаулар, алдағы аманат-міндеттер туралы  айтты.

Жолдас Қоспақұлы:

«Университет түлектері тек имамдық салаға ғана емес, түзеу мекемелері, департамент, қылмыстық-атқару жүйесі департаменттері, ұлттық қауіпсіздік комитеттеріне сұраныс артуда. Ел арасындағы жат ағым жетегіндегілермен күресуде жоғары білімді мамандардың мерейі үстем түсуде.  Сондықтан ел руханияты үшін белсене іске кірісетін жас мамандар ауадай қажет»,- деді бас имам.

Осындай жағдайларды алға тартқан павлодарлық өкіл имам болашақ түлектерге өзінің туған өңіріне қызмет етуі қажет екендігін түсіндірді.

Осылайша  павлодарлық студенттердің басын біріктіріп, ел ішіндегі ахуалмен бөліскен бас имам   әлеуметтік қолдау жағын, болашақта оқу ақысына жәрдем беру мәселесін әлі де қарастыратынын жеткізді.  Студенттер арасында магистратуралық бағдарламамен оқуын жалғастыруды да көздейтіндер баршылық.

Пікірлер

Поле не должно быть пустым!
Комментарий отправлен на модерацию.
    Жоғары