Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Атырау: "Пайғамбарға сағыныш" атты мәуліт шарасы өтті
11 желтоқсан, 2018 жыл 27 Басып шығару нұсқасы

Атырау облыстық орталық "Иманғали" мешітіне қарасты "Әжелер" мектебінің ұйымдастыруымен әйел жамағаттары арасында "Пайғамбарға сағыныш" атты тәлімді мәуліт шарасы өтті.

Өнегелі рухани кешке жиналған әйел жамағатын Қазақстан мұсылмандары діни басқармасының Атырау облысы бойынша өкілі, "Иманғали" орталық мешітінің бас имамы Батыржан Мансұров арнайы құттықтап, Мәуліт мерекесінің ерекшелігі мен қадір-қасиетіне тоқталды.

Мəуліттің негізгі мақсаты – Алла Елшісінің өмірбаянын мұсылмандарға жеткізу, оған көп-көп салауат айту, өмірін өзімізге өнеге ете білу. Пайғамбарымыз бір хадисінде: "Нағыз сараң – жанында атым аталған кезде, маған салауат оқымаған" деген. Алла Елшісінің үмметі болғандықтан оған көп-көп салауат айтуымыз керек, - деп атап өтті бас имам Батыржан Берденұлы.

Рухани шара аясында ұстаз Хусейн Кая Құран оқып, кештің мазмұнын байыта түсті. Мәуліт кешінде ақ жаулықты аналарымыз сахнаға немерелерін алып шығып, тәрбие мәйегін сомдайтын көріністер қойды. Сонымен бірге, ислам діні тарихындағы алғашқы азаншы Біләл Хабашидің Мұхаммед Пайғамбарымызға деген сағынышын сомдаған бейне де баршаға ерекше әсер қалдырды. Шара аясында илләһи әндер орындалып, тағылым аларлықтай сұхбат өрбіді. 

Көпке тәлім берген аталмыш мәуліт шарасының соңында ҚМДБ-ның Атырау облысы бойынша өкілдігінің атынан ұйымдастырушы топқа арнайы алғыс хаттар табысталды.

Пікірлер

Поле не должно быть пустым!
Комментарий отправлен на модерацию.
    Жоғары