Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Алматы: Театр сахнасында әйелдерге арналған Мәуліт кеші өтті
12 желтоқсан, 2018 жыл 25 Басып шығару нұсқасы

Алматы қаласы, Алатау дәстүрлі өнер театрында Алматы Орталық мешітінің бастамасымен әйел-қыздар жамағатына арналған «Бабалар аманаты» атты рухани-патриоттық Мәуліт кеші болып өтті.

Мәуліт кешінің шымылдығын Ергешова Малика Құран оқып ашып, Қынтаева Лаураның қазақша «Мәуліт жырын» орындауымен жалғасты. Мерекелік шараны Алматы қаласының өкіл имамы Еркінбек қари Керімбекұлы ашып Алматылық әйел-қыздар қауымын Мәуліт айымен құттықтап, бұл айдың біздер үшін үлкен қуаныш екенін айтты. Сондай-ақ, Алла елшісінің өнегелі өмірінен сыр шертіп, әйел-қыздарымызды Пайғамбарымыз бен Оның асыл жарларының көркем мінезінен үлгі алуға шақырды. «Шын мәнінде сен әлбетте ұлы мінезге иесің» деген аяттағы Пайғамбарымыздың тәлімгерлік тұлғасына тоқталды.

Кеште өнерлі мешіт шәкірттері сонау ашаршылық заманынан бастап, бүгінгі күнге дейінгі қазақ халқының басынан кешкен түрлі қайғы-қасірет пен қазіргі қоғамның өзекті мәселелерін қозғап, тәлімді ойларды қаузаған қойылымдарын ел назарына ұсынды. Құрманғазы атындағы Қазақ ұлттық консерваториясының шәкірттері ән мен күйден шашу шашып, термелер орындады.

Мәуліт кеші мешіт шәкірттерінің хормен орындауында салауат әнімен аяқталды. 

Пікірлер

Поле не должно быть пустым!
Комментарий отправлен на модерацию.
    Жоғары