Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Проректор, доцент Қайрат Құрманбаев Қазақстан халқы Ассамблеясы дөңгелек үстелінде баяндама жасады
14 желтоқсан, 2018 жыл 37 Басып шығару нұсқасы

Тәуелсіздік мерекесі қарсаңында Алматы қаласындағы Достық үйінде «Тәуелсіздік деп соғады жүрегім» тақырыбында Тәуелсіздік күніне және ҚР Президенті Н.Ә.Назарбаевтың «Ұлы даланың жеті қыры» мақаласын насихаттауға арналған дөңгелек үстел өтті.

Қазақстан халықтары Ассамблеясының өкілдері қатысқан жиында Нұр-Мүбарак университетінің проректоры, доцент Қайрат Құрманбаев спикер ретінде қатысып, тәуелсіздіктің еліміз үшін теңдессіз сый екендігіне тоқталды. Елбасы Н.Назарбаевтың «Ұлы даланың жеті қыры» мақаласындағы ынтымақ, бірлік жайлы мәселелер жайлы айтып, бұл ұлы құндылықтардың мемлекет дамуындағы маңызына жан-жақты тоқталды. Дөңгелек үстелге Ш.Уәлиханов атындағы Тарих және этнология институтының директоры Қабылдинов Зиябек Ермұханұлы, ҚХА Алматы қалалық хатшылығының меңгерушісі Балғымбаев Назар Албанұлы, Алматы қалалы Мәслихатының депутаты, ҚХА мүшесі Байрамуков Ислам, т.б. зиялы қауым, түрлі ұлттар мен этнос өкілдері қатысты.   

Сондай-ақ шара барысында Алатау дәстүрлі өнер театры мен  А.Жұбанов атындағы Ақтөбе облыстық филармониясының өнерпаздары өнер көрсетті.

Шара соңында бірқатар азаматтар мемлекетіміздің дамуы мен өркендеуіне, еліміздегі қоғамдық келісім мен татулықты, бірлік пен ынтымақтастықты нығайтуға сіңірген еңбектері мен қосқан сүбелі үлестері үшін мемлекеттік наградалармен марапатталды.

Пікірлер

Поле не должно быть пустым!
Комментарий отправлен на модерацию.
    Жоғары