Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
ТҮРКИЯ ЕЛШІСІ МҮФТИЯТТЫҢ ЖАҢА ҒИМАРАТЫН АРАЛАДЫ (ФОТО)
13 наурыз, 2019 жыл 26 Басып шығару нұсқасы

Астанада Қазақстан мұсылмандары діни басқармасының төрағасы Серікбай қажы Ораз Түркияның еліміздегі Төтенше және Өкілетті Елшісі Невзат Уянык мырзамен кездесіп, мүфтияттың ғимаратымен таныстырды.

«Жаңа ғимараттарыңыз құтты болсын. Расында, бұл – тарихи оқиға, үлкен жеңіс. Алла берекелі етсін. Біз, бауырлас түрік халқы қуаныштарыңызға ортақпыз», – деген тілегін жеткізді елші.

Бас мүфти зәулім кеңсе асыл дініміздің жанашыры Елбасының бастамасымен салынғанын атап өтті.

Айта кетейік, 4 қабатты зәулім ғимараттың кітапхана, акт залы, спорт залы, намазханасы, компьютер бөлмесі бар.

ҚМДБ-ның әкімшілік ғимаратының құрылысы 2015 жылы басталып, 2018 жылдың 14 желтоқсанында пайдалануға берілді. Ғимараттың жер аумағы 1,2 га, ал кеңсенің жалпы аумағы 12 019 шаршы метр.

Ғимарат 4 блоктан тұрады: А блок (4 қабат әкімшілік корпус) 8 996 шаршы метр, Б блок (4 қабат жатақхана) 2 019 шаршы метр, В блок (1-қабатта акт залы) 447 шаршы метр, Г блок (1-қабатта спорт залы) 557 шаршы метр.

Жаңа кеңсе демеушілердің қолдауымен тұрғызылды.

Алла Тағала сауапты іске үлес қосқан барша азаматтарға разы болсын!

Пікірлер

Поле не должно быть пустым!
Комментарий отправлен на модерацию.
    Жоғары