Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Қызылорда: «Жастар - дінді жырлайды»
15 наурыз, 2019 жыл 23 Басып шығару нұсқасы

Кеше Қазалы ауданы, Ү.Түктібаев ауылдық «Орынбет ишан» мешітінде ҚМДБ-ның Қызылорда облысы бойынша өкілдігінің ұйымдастыруымен «Жастар жылына» орай, «Жастар – дінді жырлайды» атты жас ақындар айтысы өткізілді.

Аламан айтысқа ҚМДБ-ның Қызылорда облысы бойынша Өкілі Б.Абуов, облыстық ішкі саясат басқармасының басшысы Т.Маханов, облыстық жастар саясаты мәселелері басқармасының басшысы Қ.Жанұзақов, аудандық ардагерлер кеңесінің төрағасы О.Бекбанов, аудандық мәслихат хатшысы К.Назымбеков және де ауданның белді азаматтары мен ауыл тұрғындары қатысты.

Айтыста Қазалы ауданының ауылдарынан және Тереңөзек кентінен жиылған 12 ақын 6 жұп болып бақ сынасты. ҚМДБ-ның Сыр өңіріндегі Өкіл имамы Болатбек Ұласқанұлы, жас ақын Ақжол Түменбай, сазгер Жібекәлі Бектұрғанның төрағалық етуімен өткен бәйгенің қорытындысы бойынша, Қожабақы ауылының 11-сынып оқушысы А.Тоқтарбек Бас жүлдеге лайықты деп танылса, Майдакөл ауылының 11-сынып оқушысы Ә.Бекзат, 10-сынып оқушысы С.Бекзат, 7-сынып оқушысы Е.Өміртай сәйкесінше І, ІІ, ІІІ жүлделі орындарды қанжығаларына байлады. Сонымен қатар, айтыстың ең жас ақыны ретінде «Көрермен көзайымы» бағамына ие болған 5-сынып оқушысы Ж.Серіковке қаржылай сый-сыяпат табыс етілді. Қалған қатысушыларға да ынталандыру сыйлықтары табысталды.

Айтыс соңында Үрмаш Түктібаев ауылдық мешіті мен жамағаттарының ұйымдастыруымен көзі көрмейтін ауыл тұрғынының еміне 100 000 теңге көлемінде қаржылай көмек көрсетілді.

Пікірлер

Поле не должно быть пустым!
Комментарий отправлен на модерацию.
    Жоғары