Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Останкино және Эйфел мұнаралары жарықты өшірді
19 наурыз, 2019 жыл 20 Басып шығару нұсқасы

Мәскеу қаласының Останкино телемұнарасы мен Париждің әйгілі Эйфель мұнарасы Жаңа Зеландияның Крайстчерч қаласындағы қос мешітте болған теракт құрбандары құрметіне жарықты өшірді, деп хабарлайды Islam.ru.

Останкино иллюминация жарығын сағат 00:00 — 01:00 аралығында өшіру туралы шешімді «Ресей телевизия және радио желісі» операторы қабылдаған.

Эйфель жарығы Париж билігінің шешімімен өшірілді. Франция астанасы мэрі Анн Идальго өзінің Твиттер парақшасында «теракт шабуылы құрбандарын еске алу үшін барлық париждік тұрғындар атынан мұнара жарығы өшірілетінін» жазған.

Қанды шабуыл Жаңа Зеландияда 15 наурыз күні жергілікті уақыт бойынша сағат 13.45-те орын алды. Террористер Крайстчерч қаласындағы екі мешітке жұма намазы уақытында қарулы шабуыл жасады. Шабуыл кезінде мешітте жалпы саны 500-дей адам болды. Соңғы мәліметтер бойынша теракт салдарынан 50 адам қаза тапты, тағы осынша адам жарақат алған.

Арнайы операция барысында оқиғаға кінәлі деген күдікпен 4 адам қамауға алынды. Кейіннен полиция ұсталған төрт адамның үшеуінің қанды оқиғаға қатысы бар екенін анықтады.

Пікірлер

Поле не должно быть пустым!
Комментарий отправлен на модерацию.
    Жоғары