Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Моңғолия астанасында жаңа мешіт бой көтерді
27 наурыз, 2019 жыл 15 Басып шығару нұсқасы

Моңғолияның Ұланбатыр қаласында заманауи мешіт бой көтерді. Бұл туралы «ҚазАқпарат» агенттігі.

Мешіт «Моңғолия Ислам діні бірлестігі» ұйымының бастамасымен салынды. Оған қажетті қаржыны шетелдегі ислам елдерінің қайырымдылық қорлары бөлген. «Мешітті салудағы мақсат — қазақи ортадан шалғайда өмір сүріп, тіршілік етуші қандастарымызды руxани нәрмен сусындату, жас ұрпақтың бойына имандылық дарыту», — дейді аталмыш ұйым төрағасы Аманкелді Қуанышұлы.

Заманауи үлгідегі діни ғимаратта жамағатпен намаз оқитын, дәріс оқитын бөлмелер, сондай-ақ мәйіт арулайтын, жаназа шығаратын залдар бар. Айта кетерлігі, қазіргі таңда Ұланбатыр қаласында тұратын қазақтар саны он мыңға жуық. Олардың 6 мыңға жуығы — студенттер. Сонымен қатар, соңғы кезде моңғол ағайындардың арасында ислам дініне бет бұра бастағандары да бар. Бұл да осынау игі істің жүзеге асуына себеп болған. Тоқтала кететін тағы бір жайт, 2006 жылы Моңғолияның үшінші Президенті Намбарын Энxбаярдың бастамасымен қасиетті кітаб «Құран кәрім» алғаш рет моңғол тіліне аударылған болатын.

Пікірлер

Поле не должно быть пустым!
Комментарий отправлен на модерацию.
    Жоғары