Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Атырау: Мешіті жанынан құралған команда ашық турнирге қатысты
01 сәуір, 2019 жыл 13 Басып шығару нұсқасы

Атырауда волейбол саласының ардагері Назаров Бисенбай Айтқалиұлын еске алуға арналған ерлер арасында волейболдан ашық турнир өтті. Барлығы он екі команда бақ сынасқан турнирге орталық "Иманғали" мешітінің жамағаттарынан құралған команда да қатысты.

Аталмыш шараға Атырау облысының Бас имамы Батыржан Мансұров құрметті қонақ ретінде арнайы шақырылып, қатысушыларға сәттілік тіледі. Ашық турнирдің ашылуы кезінде Бас имам адам баласы жақсы іс істесе, кейінгілер оны жалғастырса, ол шариғатымызда құпталған іс екендігін атап өтті. 

"Кезінде халықаралық деңгейде ойын көрсеткен Бисенбай Айтқалиұлы волейбол саласының тәлімгер ұстазы. Денсаулықтың кепілі ол спорт. Денсаулығымызды спортпен ұстап тұру - ол құпталатын іс",- деді Бас имам Батыржан Берденұлы.

Волейбол ойыны аясында қатысушы командаларға Атырау облысының бас мешіті атынан арнайы сыйлықтар үлестірілді. 

Айта кетелік, ашық турнир барысында орталық "Иманғали" мешіті жанынан ойын көрсеткен команда финалдық кезеңге жолдама алды.

 

Пікірлер

Поле не должно быть пустым!
Комментарий отправлен на модерацию.
    Жоғары