Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Жамбыл жастары жігерлі жиын жүргізді
04 сәуір, 2019 жыл 21 Басып шығару нұсқасы

ҚМДБ-ның төрағасы, Бас мүфти Серікбай қажы Ораздың ұсынысымен биыл "Дін және Жастар" жылы болып бекітілді. Осыған орай "Һибатулла Тарази" мешітінде қоғамдағы белсенді жастардың басын қосқан ауқымды іс-шара өтті. 

Белсенді жастардың тобын қалыптастыру мақсатында ұйымдастырылған жиынды облыстың өкіл имамы Қанат Жұмағұл ашып, діндегі жастардың орны, жастардың белсенділігі туралы көңілге тоқырлық ғибратты сөз сөйледі. Ал ҚМДБ-ның Жамбыл облысындағы Жастар ісі жөніндегі өкілі Ержан Аманбаев жастарды бірлесе қоғамға пайдалы іс атқаруға шақырды.

Отырысқа қатысқан қоғам белсенділерінің ішінен бірінші болып Жамбыл облысы жастар ресурстық орталығының директоры Бауыржан Мурбеков өз ойын жеткізді. Ол жас буынның жұмысқа деген құлшынысының жоқтығын тілге тиек етіп, осы сынды проблемаларды ортаға тастады.  

Сонымен қатар "Астана" кинотеатрының директоры Олжас Қуандық "Бизнес және жастар" тақырыбында мардымды баяндама жасап, өз тәжірибесімен бөлісті. Ал "Отбасы және жастар" турасында Тараз қалалық мәслихат депутаты Серікбол Берікқожа сөз сөйлеп, қазақ халқының тектілігі туралы мықты мағұлмат берді. 

Іс-шараға қатысқан тұлғалардың барлығы жастарға қайтсек пайдалы боламыз, оларға қандай іскерлік көзін көрсетіп, жігер бере аламыз деген ұранды ұстанып, барын салды.

   

Пікірлер

Поле не должно быть пустым!
Комментарий отправлен на модерацию.
    Жоғары