Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
ШҚО: Құран жарысына іріктеу өтті
08 сәуір, 2019 жыл 50 Басып шығару нұсқасы

Шығыс Қазақстан облыстық «Халифа Алтай» мешітінде «Құран Кәрімді жатқа және мәнерлеп оқу бойынша VIIІ Республикалық жарысына» Өскемен аймағы бойынша іріктеу сайысы болып өтті. Шараға өңірге қарасты аудан, қалалардан 30-ға жауық үміткерлер қатысып, мешіт ішін Құранның қоңыр сазына бөледі.

Сайысқа өңірдің ұстаздары мен имамдары қазылық жасады. Іріктеу бәсекесіне қатысушылар 10 пара, 20 пара, 30 парадан және мәнерлеп оқудан сынға түсті. Қатысушылар қасиетті Құранда бар нақышымен оқып, өздерінің осы сайысқа аса тыңғылықты дайындалғандықтарын көрсетті.

Сайысты ашып сөз сөйлеген Шығыс Қазақстан облыстық «Халифа Алтай» мешітінің наиб имамы Дәулет Қабидолдин: «Іріктеу сайысы Құран оқудың шеберлерін анықтаған жоғарғы деңгейлі бәсеке болды. Сайысқа жастар аса ынталы қатысты. Алыс-жақын аудандардан келіп, қасиетті Құранды құрметтеп, бар ынта-жігерін сайысқа арнаған шәкірттерімізге алғыс білдіреміз» деді.

Сайыс қорытындысы бойынша жеңімпаздарға Республикалық сайысқа қатысуға сертификат және сыйлықтар берілді. Аймақтық іріктеу сайысында үздік шыққан үміткерлерге алғысын білдірген қазылар алқасы оларға алда болатын Республикалық сайысқа сәттілік тіледі. Сайысқа қатысқан барлық үміткерлер өкілдіктің «Алғыс хаты» берілді.

Сонымен қатар Өскемен қаласына «Қарилар даярлау орталығын» ашқан қари Ербол Құдабаев өкілдіктің «Алғыс хатымен» марапатталды.

 

 

Пікірлер

Поле не должно быть пустым!
Комментарий отправлен на модерацию.
    Жоғары