Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Республикалық Құран байқауының Атырау бойынша іріктеу сайысы өтті
08 сәуір, 2019 жыл 19 Басып шығару нұсқасы

Бүгін Атырауда сегізінші республикалық Құран жарысына іріктеу сайысы өтті. Орталық "Иманғали" мешітінде өткен сайысқа Атырау облысы бойынша үміткерлер қатысты.

Шара қасиетті Құран Кәріммен басталды. Ұстаз Хусейн Кая Құран аяттарын оқыған соң, Қазақстан мұсылмандары діни басқармасының Атырау облысы бойынша өкілі, орталық "Иманғали" мешітінің Бас имамы Батыржан Мансұров қатысушыларға сәттілік тіледі. Тартысты өткен бәсекеде Құранның 30 парасын жаттаудан Мақат ауданынан бақ сынаған Захид Халматұлы жеңіске жетіп, сайыстың республикалық кезеңіне жолдама алды.

Құранның 20 парасын жаттау бойынша, үміткерлер болмады. Десе де, Құранның 10 парасын жаттаудан Әбубәкір Ізгілік бірінші орынды жеңіп, сайыстың республикалықкезеңіне жолдаманы иеленді. Омар Ізгілік және Дархан Тұрысмаханбет екінші, үшінші орындарды өзара бөлісті.

Құранды мәнерлеп оқуға 37 үміткер қатысты. Осынша үміткердің арасынан Ұлан Балтабай озық шығып, сайыстың республикалық кезеңіне жолдама алды. Екінші орынды Арал Дүйсенбаев, үшінші орынды Саламат Иманғалиев иемденді. Үздік деп танылғандарға 50 мың - 200 мың теңге аралығында сыйақы берілді.

"Асылында, Құран адамзатты шексіз бақытқа жетелейтін, тура жол көрсететін, қияметке дейін өзгермейтін мәңгі мұғжиза. Қасиетті кітапты оқу ең ұлы ғибадаттардың бірі және Аллаға жақындататын төте жол",- деді жеңімпаздарды марапаттаған Атырау облысының Бас имамы Батыржан Мансұров.

Пікірлер

Поле не должно быть пустым!
Комментарий отправлен на модерацию.
    Жоғары