Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Талдықорған: республикалық Құран байқауына жолдама берілді.
22 сәуір, 2019 жыл 32 Басып шығару нұсқасы

       

ҚМДБ-ның Талдықорған өңірі бойынша өкілдігінің ұйымдастыруымен Құран Кәрімді жатқа және мәнерлеп оқу бойынша VIII республикалық Құран байқауына іріктеу сайысы өтті.

Облыстық «Иман» мешітінде өткен жарысқа 30-ға жуық үміткер қатысып, Құран Кәрімнің 30 парасын, 20 парасын, 10 парасын жатқа және мәнерлеп оқу номинациялары бойынша өзара бақ сынасты.

Құранмен нұрланған болашақ қарилар жарысына ҚМДБ-ның Талдықорған өңірі бойынша өкіл имамы Ардақ Нүсіпханұлы, Алматы орталық мешітінің ұстазы Серік Полатханұлы, «Нұр» мешітінің ұстазы Семержи Хусейн, «Иман» мешітінің наиб имамы Өкен Шынарбек, «Нұр» мешітінің наиб имамы Әбіләкім Ибрахим қазылық етті.

Іріктеу сайысында сөз бастаған өкіл имам Ардақ Нүсіпханұлы Құран жаттаудың артықшылығы және қазақ топырағындағы қарилар тарихына тоқталып, додалы бәйгеде қатысушыларға рухани демеу берді.

Дәстүрге айналған Құран байқауында үміткерлердің Құранды жатқа айтуына, тәжуидіне, махамына, дауыс әдемілігіне мән берілді. Жарыс соңында 4 деңгей бойынша жүлделі орындарға ие болған қатысушылар қаржылай марапатталды.

 

 Жүзден жүйрік шығып, VIII республикалық Құран байқауына ҚМДБ-ның Талдықорған өңірі бойынша өкілдігі атынан жолдама алған үміткерлер:

 

Мәнерлеп оқу: Исабеков Бауыржан.

10 пара: Мұхаммед Ислам.

20 пара: Әшімжан Самат.

 

 

 

Пікірлер

Поле не должно быть пустым!
Комментарий отправлен на модерацию.
    Жоғары