Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Ақтөбелік имамдардың сараптау аттестациясы өтуде
23 сәуір, 2019 жыл 22 Басып шығару нұсқасы

Бүгін, Ақтөбе облыстық орталық «Нұр-Ғасыр» мешітінде облыс имамдарының сараптау аттестациясы басталды. Қазақстан мұсылмандары діни басқармасының арнайы құрылған комиссиясы барлығы 104 ақтөбелік имамды аттестациядан өткізеді.

ҚМДБ-ның Төраға орынбасары, наиб мүфтиі Әділбаев Алау Шайқымұлы бастаған Комиссия құрамында: ҚМДБ-ның Дін істері және талдау бөлімінің меңгерушісі Есмағанбет Нұрбек Әуесханұлы, ҚМДБ-ның шариғат және пәтуа бөлімінің меңгерушісі Шоқанов Сансызбай Құрбанұлы, ҚМДБ-ның Ақтөбе облысы бойынша өкіл имамы Төлеби Оспан Дәділұлы бар.

«Нұр-Ғасыр» мешітінің үлкен залында Комиссия мүшелерінің аттестациядан өтетін облыс имамдарымен жалпы кездесуі өтті. Аттестация барысында ҚР Конституциясы, Ислам тарихы, Фиқһ, ақида, ҚМДБ-ның басты 4 құжаты бойынша білімдері мен біліктілігі сараланып, баға берілмекші.

Одан әрі қарай 4 лекпен барлығы 104 имам сараптау аттестациясынан өтеді деп күтілуде. 

Сонымен қатар, комиссия мүшелері Алға ауданының Бестамақ ауылындағы қайырымдылық мекемесінің ғимаратымен танысады. Ал кешке ҚМДБ-ның Төраға орынбасары, наиб мүфтиі Әділбаев Алау Шайқымұлы ақтөбелік мешіт жамағатқа уағыз жүргізеді. Және "Жастар жылы" және "Ақтөбе қаласының 150 жылдығына" орай, «Нұр Ғасыр» мешітінің үлкен залында жас жамағат арасында «150 жылдыққа – 150 сұрақ» атты интеллектуалдық сайыс жоспарланған.

 

 

 

Пікірлер

Поле не должно быть пустым!
Комментарий отправлен на модерацию.
    Жоғары