Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
НАИБ МҮФТИ: ОРАЗАДА АВТОБУСТАР ТЕГІН ТАСЫМАЛДАЙДЫ (ФОТО)
30 сәуір, 2019 жыл 12 Басып шығару нұсқасы

Бүгін Елордада өткен баспасөз мәслихатында Бірінші наиб мүфти, Нұр-Сұлтан қаласының Бас имамы Наурызбай қажы Тағанұлы қасиетті рамазан айында жамағатты тегін таситын автобустар пайда болатынын атап өтті.

«Қала әкімшілігінің қолдауымен тарауих намаздарынан соң тегін қатынайтын автобустар биылғы жылы да жамағаттың алғысына бөленетін болады. Автобустар бағыты жайлы ақпараттар қосымша мешіттерде хабарланып, өкілдік сайттарында жарияланатын болады. Сондай-ақ, қала әкімшілігінің келісімімен қала көшелерінде, автобус бекеттерінде рамазан айымен құттықтау лебіздер, оразаның қадір-қасиеті жөніндегі өнегелі сөздер жазылып, халықтың оразаға оң ниетін оятып, ықыласын арттыру қолға алынып отыр.
Қасиетті Қадір түнінің ерекшелігін ескертіп, жамағатты хабардар ете түсу үшін барлық мешіттерде арнайы бағдарлама түзіліп, уағыз-насихат айтылып, құлшылық-ғибадатқа ерекше көңіл бөлінеді. Осы ретте «Әзірет Сұлтан», «Нұр Астана» секілді мешіттерде аулаға арнайы лед экрандар қойылып, іштегі уағыз-насихат жұмыстары көрсетіліп келеді. Осы бастаманың биылғы жыл аясын кеңейтіп, өзге де мешіттерге қолдануды жөн санап отырмыз», – деді Наурызбай қажы Тағанұлы.

 

 

Пікірлер

Поле не должно быть пустым!
Комментарий отправлен на модерацию.
    Жоғары