Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Плоггингпен Нұр-Мүбарак студенттері алматылықтарды таң қалдырды
02 мамыр, 2019 жыл 11 Басып шығару нұсқасы

Қазақстан халықтары бірлігі күнінің құрметіне орай Нұр-Мүбарак университетінің студенттері Алматы көшелеріне тазалық жасады. Плоггинг – яғни студенттер спорттық киім киіп, қолдарына  қапшық ұстап қоршаған ортаны, көшелердегі қоқысты тазалады.

Швециядан бастау алып әлемдік трендке айналған бұл шараны елімізде алғашқылардың бірі болып Нұр-Мүбарак университетінің студенттері қолға алуда.  Плоггингтің мақсаты – салауатты өмір салты мен қоршаған ортаға қамқорлықты үйлестіру. Нұр-Мүбарак студенттері плоггингті университетке көрші аудандардан бастады. Себебі ата дінімізде «Көрші ақысы – құдай ақысы» деген ұстанымға сай әуелі көрші көшелердің тазалығына көңіл бөліп, қала тұрғындарын тәнті етті. Көшедегі жұртшылықтың назарын аударған бұл игі бастамаға әсіресе, қарт кісілер таң қалысып, жөн сұрап, ризашылықтарын білдіріп, баталарын жаудырды.

Нұр-Мүбарак университетіндегі «Еріктілер» тобының басшысы Айдос Әсет плоггингті болашақта тұрақты түрде қоршаған орта тазалығы үшін қолданатынын айтты. Бұл Алматының әсемдігін сақтап қана қоймай, жастар бойында жауапкершіліктің, тұрғындар арасында жақсы дәстүрдің қалыптасуы секілді көптеген игі істерге бастама болары сөзсіз.

Пікірлер

Поле не должно быть пустым!
Комментарий отправлен на модерацию.
    Жоғары