Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Нұр-Мүбарак университетінде теология мамандары да оқытылмақ
03 мамыр, 2019 жыл 16 Басып шығару нұсқасы

Исламтану, дінтану, енді дін ілімін қамтыған теологиялық мамандық даярлауды қолға алған Нұр-Мүбарак университетіндегі білім алудың артықшылықтары арта түсуде. Проректор, доцент Қайрат Құрманбаев: "Теология мамандығы бойынша бакалавриат дәрежесі 4 жыл, ал екінші жоғары білім ретінде теология мен дінтану мамандықтары 2 жыл қысқа мерзімде кешкі бөлімде оқытылады. 2 жыл бойы күндізгі бөлімнің талабымен дәрістер толық қамтылады, ал дипломда «кешкі» деген ешқандай көрсеткіш жазылмайды, яғни диплом күндізгі бөлімнің деңгейінде", — деді.

Еліміздегі дін мамандарына сұраныстың артуына орай, Нұр-Мүбарак университетінің түлектеріне деген сұраныс өте жоғары. Студенттерге түрлі аймақтар мен құзыретті өкілдіктер келіп арнайы жұмыс орындарын ұсынып, келісім жасайды.

Ал биылғы жоғары оқу орындарына қабылдау науқанының 1 сәуір мен 10 мамыр күні аралығына ауысуына орай Нұр-Мүбарак университетіне колледж-медреселер, орта мектептің бұрынғы түлектерінен құжат қабылдау жүріп жатыр, соңғы күн – 10 мамыр. Ал биылғы орта мектептің Ұлттық бірыңғай тестілеу емтиханынан өткен түлектерінен құжат қабылдау 20 маусым мен 7 шілде аралығында өтеді.

Сондай-ақ, осы кезеңде өзге ЖОО-ға құжат тапсырып, ҰБТ сертификатын алған талапкерлер Нұр-Мүбарак университетінде исламтану, дінтану, теология, екі шет тілі (араб, ағылшын) салалары бойынша мамандануды ниет етсе, 20 маусым мен 7 шілде аралығында да Нұр-Мүбарак университетіне ҰБТ сертификатымен құжат тапсыра алады.

 

Пікірлер

Поле не должно быть пустым!
Комментарий отправлен на модерацию.
    Жоғары