Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Ақтөбе: Облыс әкімі ауызашар берді
13 мамыр, 2019 жыл 17 Басып шығару нұсқасы

Рамазан айы қарсаңында өңір басшысы Оңдасын Оразалин орталық «Нұр Ғасыр» мешітінде 150-ден астам адамға ауызашар берді. Оңдасын Сейілұлы ауызашарға жиналған жұртшылыққа жүрекжарды лебізін арнады.

«Алла Тағала: «Тек Ораза мен үшін, оның сауабын өзім беремін»,- деген. Сондықтан, біріншіден, ораза – Аллаға құлшылық. Екіншіден, еліміздің ауызбіршілігін, бір-бірімізге деген сыйластығымызды көрсетейік деген ниет. Рамазан айы – ерекше кезең, имандылық пен сауапқа тәрбиелейді. Ораза тұтудың өзі – үлкен сын. Ол тек күндіз тамақтан тиылу емес. Бұл – рухымызды көтеретін, тазалық пен имандылыққа шақыратын кезең. Қасиетті Рамазан айы құтты болсын! Оразаларыңыз қабыл болсын! Ел Тәуелсіздігі тұғырлы болып, келешегі кемел болсын!»,- деді облыс әкімі.

Бұдан кейін профессор З.Байдосов, танымал философ-ғалым А.Айталы және т.б. қонақтар сөз сөйледі. Ал, өкіл имам Төлеби Оспан облыс әкімінің отбасы жайған дастарханнан дәм татқан жамағат атынан ризашылық білдірді.

«Рамазан – адам баласын жан-жақты тәрбилейтін ай. Ораза ұстау дегеніміз – тек қана жеп-ішуден тиылу емес, бүкіл ағзаңа ораза ұстату. Сонда ғана адам оразадан рухани ләззат алады, іздегенін табады. Ораза – мұсылманның есепсіз сауапқа кенелетін айы. Сол себепті, берген ауызашарыңызды қабыл етіп, мол сауаптар нәсіп етсін», - деді Төлеби Дәділұлы.

Берекелі дастарханның соңында ата-баба рухына Құран бағышталып, қадірменді қария елімізге береке-бірлік тілеп, бата қайырды.  

       

 

 

Пікірлер

Поле не должно быть пустым!
Комментарий отправлен на модерацию.
    Жоғары