Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Қызылорда: Наиб мүфти А.Әділбаевтың қатысуымен 200 отбасыға көмек көрсетілді
18 мамыр, 2019 жыл 22 Басып шығару нұсқасы

Қасиетті айда Сыр еліне арнайы сапармен келген ҚМДБ төрағасының орынбасары, наиб мүфти, Түркістан қаласындағы кеңсе басшысы Алау Әділбаев «Рамазан – мейірімділік айы» қайырымдылық акциясына қатысты.

Акцияда көмек алуға келген жандарды мүбарак Рамазан айымен құттықтаған наиб мүфти Алау Шайқымұлы:

«Бас мүфти Серікбай қажы Ораз хазреттің арнайы тапсырмасымен бастау алған қайырымдылық шараларының негізгі мақсаты – берекелі айда мұқтаж жандарға қамқорлық көрсетіп, қоғамда мейірімділік пен жанашырлықты насихаттау»,-дей келе мешіт қызметкерлерінің әрдайым көмек беруге дайын екендіктерін жеткізді.

ҚМДБ-ның Қызылорда облысы бойынша өкілдігі және «Зекет» қайырымдылық қорының ұйымдастыруымен «Ақмешіт-Сырдария» орталық мешітінде өткізілген шарада қала мешіттеріне тіркелген әлеуметтік жағдайы аз қамтылған 200 отбасыға азық-түлік үлестірілді.

ҚМДБ-ның Сыр өңіріндегі өкіл имамы Болатбек Ұласқанұлы қасиетті айдың құрметіне ұйымдастырылған мейірімділік акциясының жұма сайын өткізіліп жатқанын және де өз жалғасын таба беретінін хабарлады.

 

 

 

Пікірлер

Поле не должно быть пустым!
Комментарий отправлен на модерацию.
    Жоғары