Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Бас мешітте зағип жандарға ауызашар берілді (ФОТО)
23 мамыр, 2019 жыл 33 Басып шығару нұсқасы

Республикалық «Әзірет Сұлтан» мешітіндегі «Берекелі Рамазан» ауызашар дастарханының бұл жолғы қонақтары Нұр-Сұлтан қаласындағы Зағиптар орталығының шәкірттері болды. Шәкірттер деп айтуымыздың да өзіндік себебі барын көзі қарақты оқырманымыз білетін болар. Сайт жаңалықтарында бұған дейін бірнеше мәрте бұл ата-әжелеріміздің Елордамыздағы зағип жандарға арналған орталықта арабша хат танып, діни сауат ашып келе жатқанын жазған болатынбыз.

Жер ортасынан асқан шағында жанарынан айрылған Бақытжамал Кәрібайқызының Брайль жүйесімен оқуды үйретіп, осы орталықта шәкірт тәрбиелеп келе жатқанына бүгінде бірнеше жылдың жүзі болды. Жыл санап шәкірттерінің саны көбейіп, тағдырлас жандарды табыстырып келе жатқан Зағиптар орталығына «Әзірет Сұлтан» мешітінің қамқорлығы мен қолдауы да қашанда көрсетіліп келеді.

Берекелі дастархан басында орталық мүшелері мен «Әзірет Сұлтан» мешітінің наиб имамы Қуат Ерғалиұлы емен-жарқын әңгіме құрып, түрлі тақырыптар төңірегінде сұхбаттасты. Орталық мүшелеріне бірнеше жылдан бері жақыннан таныс болған мешіт қызметкеріне Бақытжамал Кәрібайқызы бастаған құрметті қонақтар өз алғыстарын білдірді.

Пікірлер

Поле не должно быть пустым!
Комментарий отправлен на модерацию.
    Жоғары