Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
ҚЫЗЫЛОРДАЛЫҚ ХАНЫМДАР «БЕРЕКЕЛІ РАМАЗАН» РУХАНИ КЕШІН ӨТКІЗДІ
25 мамыр, 2019 жыл 34 Басып шығару нұсқасы

ҚМДБ-ның Қызылорда облысы бойынша өкілдігі, «Әйелдер-қыздар» секторының ұйымдастыруымен қасиетті жұма күні «Берекелі Рамазан» тақырыбында рухани кеш өтті.

Облыстың Бас мешіті – «Ақмешіт-Сырдария» орталық мешітінде өткен шарада ҚМДБ-ның Сыр өңіріндегі Өкіл имамы Болатбек Ұласқанұлы және ҚМДБ шәриғат және пәтуа бөлімінің маманы, РАНТ мүшесі, әл-Азһар университетінің түлегі Медет Құрсақов арнайы қонақ болып, барша ханымдарды Рамазан айымен құттықтады. Медет Жұмашұлы өзінің сөзінде отбасы, ошақ-қасындағы күйбең тірліктен бөлек ақыреттік білім алуға келіп жүрген ынталы шәкірттерге алғысын білдірді.

Қасиетті Құран аяттарымен ашылған мерекелік кеште қала мешіттерінің шәкірттері қонақтарға әсерлі қойылымдарымен және күмбірлеген қара домбыраның үнімен ерекше көңіл күй сыйласа, «Әйелдер-қыздар» секторының облыстағы жетекшісі Л.Сыдықова сауаптар еселенетін Рамазан айының қадір-қасиеті мен оны тиімді өткізу жолдары туралы ғибратты уағызымен насихат айтты.

Сонымен қатар, шара соңында сұрақ-жауап ойыны ойнатылып, белсенді көрермендерге сыйлықтар табысталды және де барша қонақтарға ауызашарға арналған су, құрма таратылды.

Пікірлер

Поле не должно быть пустым!
Комментарий отправлен на модерацию.
    Жоғары