Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Қызылордадағы Қадір түні
03 маусым, 2019 жыл 31 Басып шығару нұсқасы

ҚМДБ-ның Қызылорда облысы бойынша өкілдігіне қарасты облыстың Бас мешіті – «Ақмешіт-Сырдария» орталық мешітінде өткен қасиетті түні облыс әкімі Қырымбек Елеуұлы Көшербаевтың 300 адамға арнап берген ауызашарымен басталды. Ауызашарға арнайы келген облыс әкімінің орынбасары Руслан Рүстемұлы барша жамағатты рамазан айындағы қасиетті жұма күнімен қатар келген Қадір түнімен құттықтаса, өкіл имам Болатбек Ұласқанұлы мүбарак түннің қадір-қасиеті мен сауабы туралы уағыз насихат айтты.

Бұдан кейін Құптан намазы алдындағы уағыздан соң, тарауық намазы оқылып, Құран түскен шарапаты мол айда оқылып біткен Құран Хатым дұғасы жасалды. Соңынан ел амандығы мен жұрт тыныштығы үшін және тұрақтылық пен бейбітшілік заман үшін дұға етілді.

Сонымен қатар, өкіл имам рамазан айы басталғаннан бастап облыстық мешітте тарауық намазын өткізген үш бірдей қари М.Абжалелов, Б,Жүсіпұлы, Ш.Садуовтарға барша жамағаттың атынан алғыс білдіріп, қазақы дәстүрмен шапан жапты. Және де берекелі айдың құрметіне орай ұйымдастырылған «облыстық Құран жарысы», «Сыр Жастары жарысады», «Рамазан менің көзіммен» байқауларының жеңімпаздарын жариялап, барша жамағаттың алдында марапаттады.

Құлшылық түнінде мешіт имамдарының әсерлі, ғибратты уағыздары айтылып, тәһәджүд намаздары оқылды. Және де келушілер арасында интеллектуалды сұрақ-жауап ойыны өткізіліп, белсенді азаматтарға кітап сыйға берілді. 300 адамға арнайы жайылған ақ дастарқаннан бөлек, 700 адамға сәресі тағамдары салынған ыдыстар таратылды. 

 

 

 

Пікірлер

Поле не должно быть пустым!
Комментарий отправлен на модерацию.
    Жоғары