ҚМДБ-ның БҚО бойынша өкіл имамы Руслан Султановтың бастамасымен Орал облыстық орталық мешітінде жамағаттың ауызбірлігі үшін дастархан жайып келеді.

Рухани шарада Орал облыстық орталық мешітін наиб имамы Бақытжан Сабралиев сөз алып, келген жамағатқа ақ тілегін жеткізді. Ал, Тәжіден Батырұлы атындағы қалалық мешітінің наиб имамы Әсет Раманқұлов ардақты пайғамбарымыздың (ол кісіге Алланың игілігі мен сәлемі болсын) өнегелі өміріне тоқталып, жақсылыққа шақырып, жамандықтан алыс жүруді айтып, тағлымы мол әңгімесімен рухани кешті әсерлі етті.

Шара соңында мешіттің жамағаты Ерсайын бауырымыз өз ризашылығын айтып, игі бастамалары мол болып, рухани  дүниеміз кең болсын, деп дұға жасады.

Дастарханға мешіттің ақсақалдары мен жамағаттары, имам-молдалар мен жастар қатысты.