4 күнде 1000 адамға ауызашар берілді. Игі дастархан басында ҚМДБ төрағасының Бірінші орынбасары, "Əзірет Сұлтан" мешітінің Бас имамы Наурызбай қажы Тағанұлы, наиб мүфти Бауыржан қажы Əбдірашұлы, "Зекет" қорының директоры Талғат Сейіткəрімұлы, т.б. ҚМДБ қызметкерлері қатысып, қайырымдылық істің мəні мен маңызы, сауабы жайлы уағыз айтты. Сонымен қатар, осынау сауапты істі ұйымдастырған мүфтият жастарына алғыс айтты.

Айта кетейік, мүфтият жастары ұйытқы болған "500 теңгеге ауызашар" атты қайырымдылық акциясына жомарт жандар небары 6 күнде 2 млн. 500 мың теңге аударды.
Ауызашардан артылған қаржыға кеше елордалық 130 отбасына тұрмысқа қажетті азық-түліктер таратылды.