Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Маңғыстау: Наиб муфти жастармен кездесті
27 маусым, 2019 жыл 1 Басып шығару нұсқасы

Маңғыстау облысына арнайы іс сапармен келген ҚМДБ – ның төраға орынбасары, наиб муфти Әділбаев Алау Шайқымұлы «Ислам және жастар» жылы аясында «Достық үйінде» жастармен кездесті.

Дін және жастар тақырыбында өткен кездесуге сонымен қатар ҚМДБ – ның Шариғат және пәтуа бөлімінің меңгерушісі Сансызбай Құрбанұлы, Маңғыстау облысының өкіл имамы Смайыл Сейтбеков және Маңғыстау облысының дін істері басқармасының басшысы Ерлан Есбергенов болды.

Шараға имамдар мен теологтар, қалалық және аудандық ТҚК өкілдері, ақпараттық - түсіндіру топтарының мүшелері және ішкі саясат басқармасының қызметкерлері қатысты.

Жиында наиб муфти: «Жастардың дінге бет бұруы қуантарлық жағдай, дегенмен шет ел асып оқимын деген жастарға өз елімізде оқуға шақырамыз, ол үшін барлық мүмкіншілікті жасап отырмыз. Шет елде оқыған жастар қанша дегенмен сол елдің минталитетін бойына сіңіріп, кейбірі басқа ағымдарға еріп кетіп жатады», - дей келе еліміздегі Нұр-Мүбарак университетін, қарилар дайындау орталықтары мен медреселерді атап шықты. Сонымен қатар жиналыста ҚМДБ – ның атқарылып жатқан жұмыс бағыттары әсіресе Халал стандарттау және Шариғат және пәтуа бөлімінің атқарып жатқан жұмыстарының маңызды тұстары айтылды.

Жиын соңында қатысушылар шариғатқа байланысты сұрақтарын қойып, тиісті жауаптарын алды.

 

Пікірлер

Поле не должно быть пустым!
Комментарий отправлен на модерацию.
    Жоғары