Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Отырардағы Мұхтар Шахановтың шығармашылық үйінде «Арыс, біз біргеміз!» акциясы өтті
03 шілде, 2019 жыл 9 Басып шығару нұсқасы

Түркістан облысы, Отырар ауданындағы Мұхтар Шахановтың шығармашылық үйінде «Арыс, біз біргеміз!» акциясы өтіп, отырарлықтар қайырымдылық шарасына  өз үлестерін қосты, деп хабарлайды ҚазАқпарат тілшісі.
Мұхтар Шахановтың  бастамасымен  өткен акцияға аудан әкімі Ерлан Айтаханов қатысып, өңір тұрғындарының қайырымды істен қалыс қалмай атсалысып жатқанын жеткізді.

«Күні кеше орын алған тілсіз жаудың салдарынан арыстық ағайындардың басына түсіп отырған сынақ отырарлықтардың да көңілін алаңдатып, жүректерін сыздатуда. Қайырымды халқымызға мың да бір рақмет! Елімізде қолға алынып отырған жан-жақты қайырымдылық істен отырарлықтар да тыс қалмауда. Өмірдің ащы-тұщы дәмін татып, ата-бабаларымыздың ізгі қасиеттерін бойына сіңірген аудан ақсақалдары Үндеу тастап, игі іске бүкіл аудан тұрғындарын шақырған болатын. Бүгін Үндеуге үн қосқан отырарлықтар «Арыс, біз біргеміз!» акциясына қатысып, бір күндік жалақыларын арнайы есеп-шотқа аударуда», - деді Ерлан Айтаханов.

Мұнан соң Мұхтар Шаханов сөз сөйлеп, тағдырдың сынында төзімділік танытқан арыстықтарға 500 мың теңге тапсырды.  

«Бастарына қиын-қыстау күн туғанда бір-біріне бауырмалдық, қайырымдылық, ауызбіршіліктің озық үлгілерін көрсету халқымыздың қанында бар асыл қасиет. «Тас түскен жеріне ауыр» дегендей сын шағындағы арыстық ағайындарды сабырға шақыра отырып, қиындықтар мен ауыртпалықтардың бетін аулақ қылсын деген ізгі тілеймін», - деді Мұхтар Шаханов.

Арыстықтардың басына түскен қиындықтардың бәрін еңсеріп, қаланың гүлденетініне сенім білдірген отырарлықтар бір күндік акцияға өз үлестерін қосты. Акция барысында жиналған қаражаттар Арыс қаласын қайта қалпына келтіру қорына аударылатын болды.

 





Пікірлер

Поле не должно быть пустым!
Комментарий отправлен на модерацию.
    Жоғары