Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Павлодарлық қасапшыларға семинар өткізілді
17 шілде, 2019 жыл 10 Басып шығару нұсқасы

Павлодар орталық «Мәшһүр Жүсіп» мешітінде “Қасапшылық сауапты һәм жауапты іс” атты оқу-семинары өтті. Семинарда өкіл имам Жолдас Қоспақұлы  ҚМДБ  “Халал даму” ЖШС-нің Павлодар облысындағы өкілі Какенов Қазыбек және Темірғалиев Серіктер  қала, аудан, ауыл  мешіттерінен арнайы жіберілген 30 қасапшыға сабақ үйретті.

Дәріс алдында өкіл имам Жолдас Қоспақұлы қасапшылықтың үлкен жауапты іс екенін түсіндіріп, насихатын айтты. Ал Какенов Қазыбек өз кезегінде малды адалдаудың шариғат жолымен жасалынатын тәртіптерін түсіндіріп, қасапшылардың сұрақтарына кеңінен жауап берді. 

Семинарда арнайы бейнероликтерді де пайдаланды.

«Жалпы Павлодар облысы бойынша бұдан бұрын осындай семинардан 30 адам өтіп арнайы сертификат алған болатын. Осы жолы да 30 адам оқыту-семинарға толық қатысып білім алды. Алда облыс бойынша 300-ден астам адамға малды халал адалдандыру бағытында білім беріп дайындау біздің мақсатымыз, сондықтан аталмыш семинарды 2 аптада бір рет жүргізіп тұруды мақсат етудеміз»,-дейді Темірғалиев Серік.

Пікірлер

Поле не должно быть пустым!
Комментарий отправлен на модерацию.
    Жоғары