Тілдік нұсқа
Радио
СЕРІКБАЙ ҚАЖЫ ОРАЗ
1975 жылы  12-сәуірде дүниеге келген.  Білімі: 1990-1992 жылдары Ташкент қаласында қарилар дайындайтын медресені тамамдаған. 1992-1994 жылдары Мысырдағы Аль-Азһар университетінде оқыған.1995-1996 жылдары Исламабадтағы Әлемдік университетінде білім көтерген. Алматы мемлекеттік Абай атындағы университетінде заң факультетін сырттай бітірген. 2012-2014 жылдары М.Дулатов атындағы Қостанай инженерлік-экономикалық ...
Қажылық сапарының соңғы дайындық жұмыстары пысықталды (ФОТО)
18 шілде, 2019 жыл 6 Басып шығару нұсқасы

Бүгін Нұр-Сұлтан қаласындағы Орталық коммуникация қызметінде қажылық маусымына орай баспасөз брифингі өтті.

Баспасөз мәжілісіне ҚМДБ төрағасының бірінші орынбасары, наиб мүфти Наурызбай қажы Тағанұлы, ҚР Дін істері және азаматтық қоғам министрлігінің Дін істері комитетінің төрағасы Ержан Нүкежанов және республикалық «Әзірет Сұлтан» мешітінің ұстазы Мақсатбек Қайырғалиев қатысып, қажылық сапарға дайындық жайы, қажылар саны мен көрсетілер қызметтер, қауіпсіздік мәселелері секілді іргелі тақырыптар бойынша тілшілер қауымына толықтай мағлұмат берді.

Брифинг барысында белгілі болғандай, биылғы жылы еліміз бойынша 3 200 жан қажылық парызын өтейтін болады. Қазіргі уақытта олардың барлығы қажетті рәсімдеуден өтіп, медициналық екпе ектіріп, ұлық сапарға дайындық үстінде. Жерлестеріміздің қасиетті мекендегі сапарларын ҚМДБ Қажылық миссия тобы қадағалайтын болады. Топ құрамындағы арнайы уағызшы имамдар тобы әр рәсімнің тарихы мен тағылымын түсіндіріп, сапардың сауапты өтуіне септігін тигізсе, миссия құрамына жоғары санатты дәрігерлер қажыларға медициналық қызметтер көрсетеді. Сондай-ақ, миссия құрамында қажылық маусымы кезінде қасиетті мекеннен арнайы хабар таратып отыратын тілшілер де бар.  

Отандық «SCAT» және шетелдік «FLYNAS» компаниялары арқылы еліміздің төрт қаласынан тікелей рейспен ұшатын отандастарымыздың алды 30-шілде күні аттанып, елге 23-тамыз күні оралады деп күтілуде. 

Қажылық сапарына қатысты жоғарыда айтылған мәліметтерден бөлек, ұлық ғибадаттың хикметі мен қыр-сыры, талаптары жайлы да кеңінен ақпарат айтылып, шариғи шешімдері көрсетілді. Кездесу соңында тілшілер қауымы өздерін толғандырған сауалдарын қойып, тұшымды жауаптармен жалғасты.

 

 

Пікірлер

Поле не должно быть пустым!
Комментарий отправлен на модерацию.
    Жоғары