Қазақстан мұсылмандары діни басқармасы «Халал өнімдерін стандарттау» бөлімінің меңгерушісі Бейбіт Әліпбекұлы қосымша ҚМДБ «Қажылық» бөлімінің басшысы болып тағайындалды. ҚМДБ төрағасы, Бас мүфти Ержан қажы Малғажыұлының бұйрығымен Бейбіт Әліпбекұлына екі бөлімнің қызметі жүктелді.

Бейбіт Мырзагелдиев Әліпбекұлы бұған дейін 2002-2005 жылдары аралығында ОҚО Шымкент қаласы Тельман елді мекеніндегі «Төленбай» мешітінің Бас имамы қызметін атқарған.

2005-2010 жылдары Астана қаласы «Нұр-Астана» орталық мешітінің наиб имамы, 2007 жылдан қосымша «Астана медресесі» діни бірлестігінің директоры орынбасары қызметін атқарды.

2007 жылы Пәкістан мемлекетіндегі Дауа Академиясының екі айлық курсының тыңдаушысы болды.

2005-2010 жылдары аралығында Адам құқықтары мен заңдылықтарды сақтау жөніндегі Қазақстан Халықаралық Бюросының Астана қаласындағы филиалының мүшесі, ҚР Әділет Министрлігі Қылмыстық-Атқару Жүйесінің Астана қаласы бойынша Қоғамдық бақылау комиссиясының, ҚМДБ тарапынан құрылған уағыз-насихат тобының мүшесі болды.

2010 жылдың маусым айының 16 мен 2014 жылдың қазан айының 8 жұлдыз аралығында  ОҚО облысының өкіл имамы, Шымкент қаласындағы «А.Қаттани» мешітінің Бас имамы және «Шымкент» медресесінің директоры қызметін атқарды.

2014 жылдың 8 қазан айынан бастап Қазақстан мұсылмандары діни басқармасының «Халал өнімдерін стандарттау» бөлімінің меңгерушісі болып қызмет атқарып келеді.

ҚМДБ баспасөз қызметі